Kuvendi i Kosovës mban sot seancë, shqyrton në parim tri projektligje

Kuvendi i Kosovës sot nga ora 12:00 do të mbajë seancë plenare. Në rend ditë përveç deklarimeve jashtë rendit të ditës e pyetjeve parlamentare, është edhe shqyrtimi në parim i tri projektligjeve. 

Deputetët do të shqyrtojnë në lexim të parë Projektligjin për Agjencinë e Menaxhimit të Emergjencave, atë për regjistrimin e bujqësisë si dhe Projektligjin për Inspektoratin Qendror të Bujqësisë, Sigurisë Ushqimore, Veterinës dhe Pylltarisë. 

Deputetët do të shqyrtojnë edhe Raportin e Auditorit të Përgjithshëm për Raportin vjetor të auditimit të buxhetit të Republikës së Kosovës për vitin 2025.

Rendi i ditës me të gjitha pikat:

1. Miratimi i procesverbalit nga seanca e mëparshme,

2. Deklarimet jashtë rendit të ditës,

3. Pyetjet parlamentare,

4. Propozimi i grupeve parlamentare për zëvendësimin dhe emërimin e deputetëve në komisionet parlamentare,

5. Miratimi i Fushëveprimit të komisioneve parlamentare për Legjislaturën XI.

6. Shqyrtimi i parë i Projektligjit nr.11/L-021 për Agjencinë e Menaxhimit të Emergjencave,

7. Shqyrtimi i parë i Projektligjit nr.11/L-019 për Regjistrimin e bujqësisë,

8. Shqyrtimi i parë i Projektligjit nr.11/L-022 për Inspektoratin Qendror të Bujqësisë, Sigurisë Ushqimore, Veterinës dhe Pylltarisë, 

9. Shqyrtimi i Raportit të Auditorit të Përgjithshëm për Raportin vjetor të Auditimit të Buxhetit të Republikës së Kosovës për vitin 2025.

Rruga Press