“Situatë alarmante”/ Kongresmeni amerikan dënon dhunën e policisë ndaj protestuesve në Shqipëri

Kongresmeni amerikan Ritchie Torres ka reaguar ashpër ndaj dhunës së raportuar gjatë protestave në Shqipëri, duke kërkuar që dhuna e Policisë ndaj protestuesve të marrë fund.

Torres shprehet se është thellësisht i shqetësuar nga përshkallëzimi i situatës, ndërsa i cilëson të papranueshme veprimet e ndërmarra nga Policia Shqiptare.

“Shqiptarët kanë të drejtë të protestojnë në mënyrë paqësore. Policia duhet të respektojë të drejtën e protestuesve për të protestuar dhe të garantojë zbatimin e shtetit të së drejtës”, thekson kongresmeni amerikan.

Ai bën thirrje për shtensionimin e situatës dhe ndalimin e dhunës, duke nënvizuar nevojën për respektimin e të drejtës së qytetarëve për tubime paqësore.

Rruga Press