Kombëtarja mbyll përgatitjet për sfidën me Bjellorusinë në Nations League

Kombëtarja shqiptare ka mbyllur përgatitjet për ndeshjen ndaj Bjellorusisë, që do të zhvillohet mbrëmjen e së shtunës në stadiumin “Air Albania”, në kuadër të Nations League.

Kuqezinjtë zhvilluan stërvitjen e fundit në fushën ku do të luhet sfida, nën drejtimin e trajnerit Rolando Maran dhe stafit të tij. Seanca u përqendrua te përgatitja fizike dhe skemat taktike për përballjen me Bjellorusinë.

Grupi ishte i plotë me rikthimin e Kristjan Asllanit në stërvitje, ndërsa Klisman Cake vijon procesin e rikuperimit dhe nuk do të jetë i gatshëm për ndeshjen e së shtunës.

Pas përballjes me Bjellorusinë, Shqipëria do të luajë dy ndeshje ndaj San Marinos, si dhe do të përballet me Finlandën.

Rruga Press