Dronët ukrainas godasin fabrikën e mbrojtjes ajrore dhe një rafineri nafte në Rusi
Dronët ukrainas kanë goditur gjatë natës dy objekte të rëndësishme industriale në Rusi, një fabrikë të industrisë së mbrojtjes në Uljanovsk dhe një rafineri nafte në Perm, raportojnë mediat dhe kanalet monitoruese.
Në Uljanovsk, objektivi ishte Uzina Iskra, pjesë e konglomeratit rus të industrisë së mbrojtjes Almaz-Antey. Fabrika prodhon komponentë elektronikë për pajisje radio-elektronike, sisteme komunikimi dhe teknologji të tjera të përdorura nga industria ruse e mbrojtjes.
Në të njëjtën kohë, në Perm u godit rafineria Lukoil-Permnefteorgsintez, një prej impianteve të mëdha të përpunimit të naftës në Rusi. Pas sulmit u raportua për shpërthime dhe zjarr në objekt. Rafineria ka kapacitet projektues për përpunimin e më shumë se 13 milionë tonëve naftë në vit.
BREAKING: Ukraine is absolutely hammering the NPP Zavod Iskra Plant in Ulyanovsk tonight. The plant,Coates 800 km from Ukraine’s border, manufactures semiconductor components and other electronic parts Russian weapon systems, including Kh-59M2/M2A guided missiles, Pantsir air-defense systems, radars, communication equipment and much more. The plant belongs to the major Russian air defense and aerospace conglomerate Almaz-Antey which is most famous for air defense systems such S-300, S-400, Buk, Osa and Tor. This looks like a very costly night for the Russian Army. https://t.co/LEUKqkAisg
— Visegrád 24 (@visegrad24) September 25, 2026
Guvernatori i rajonit të Permës, Dmitry Makhonin, tha se mbrojtja ajrore dhe grupet e lëvizshme të zjarrit po përballeshin me një sulm masiv me dronë. Sipas tij, një objekt industrial ishte në shënjestër, ndërsa në atë moment nuk kishte raportime paraprake për viktima.
Në rajonin e Uljanovskut, guvernatori Alexei Russkikh tha se sulmi me dronë kishte shkaktuar dëme në infrastrukturë industriale dhe civile, ndërsa tetë persona, përfshirë një fëmijë, u plagosën.
Sulmet e raportuara janë pjesë e një vale të gjerë sulmesh me dronë ndaj objekteve industriale në disa rajone të Rusisë gjatë natës së 25 shtatorit. Deri tani, autoritetet ukrainase nuk kanë dhënë një koment të drejtpërdrejtë për këto sulme.
BREAKING: Ukrainian long-range drones are striking the Russian oil refinery in Perm https://t.co/k3mTad30bb
— Visegrád 24 (@visegrad24) September 25, 2026
Rruga Press