“Sonte edhe më shumë se dje”, 14 protestues në qeli dhe thirrje për protestë në Tiranë

Protesta në Tiranë shënon sot ditën e saj të 95-të, 14 protestues janë arrestuar pas tubimit të një nate më parë.

Të arrestuarit po mbahen në bllokun e sigurisë.

Pas arrestimeve, për mbrëmjen e sotme është bërë thirrje për një tjetër grumbullim, këtë herë edhe në shenjë solidariteti me personat që ndodhen në ndalim.

“Sonte përveç dorëheqjes dhe revolucionit, kemi edhe shumë më shumë arsye për t’u mbledhur: në solidaritet me protestuesit, kundër dhunës së shtetit dhe shtetit të dhunës”, thuhet në thirrjen e publikuar.

Tubimi pritet të nisë në sheshin “Skënderbej”, prej nga protestuesit kanë paralajmëruar se do të marshojnë drejt Kryeministrisë.

Protestuesit përsërisin kërkesën për dorëheqje, ndërsa arrestimet e një nate më parë pritet të jenë në qendër të protestës së 95-të.

Rruga Press