3 muaj qëndresë dita e 90-të/ Protesta nuk ndalet, qytetarët nisin marshimin: Rama jep dorëheqjen

Pas grumbullimit në Sheshin “Skënderbej”, protestuesit kanë nisur marshimin drejt Kryeministrisë, në ditën e 90-të të protestës.

Qytetarët janë nisur drejt bulevardit “Dëshmorët e Kombit”, ndërsa gjatë marshimit dëgjohen thirrje kundër qeverisë dhe kryeministrit Edi Rama.

Thirrjet më të shpeshta të protestuesve janë “Arrestoni Ramën” dhe “Rama jep dorëheqjen”.

Dita e sotme shënon 90 ditë nga nisja e protestave, ndërsa qytetarët vijojnë të kërkojnë largimin e Edi Ramës nga qeveria.

Marshimi pritet të përfundojë përpara Kryeministrisë, ku do të vijojnë fjalimet e protestuesve dhe organizatorëve kundër qeverisë Rama.

Rruga Press