Ngjyra, piktura dhe… protestë! 40 ditë revoltë popullore. Veç pankartave të veçanta, vogëlushët, risia e tubimeve para Kryeministrisë. Të pranishëm që nga dita 1

Prej 40 ditësh vijojnë protestat masive ku qytetarët kërkojnë dorëheqjen e panegociueshme të kryeministrit Edi Rama dhe largimin e qeverisë së tij.

Edhe në protestën e 39-të të zhvilluar ditën e djeshme, një nga veçoritë që ka tërhequr vëmendjen kanë qenë sërish fëmijët, të cilët kanë qenë të pranishëm që nga dita e parë e tubimeve.

Në bulevard është krijuar një hapësirë e veçantë për vogëlushët, ku ata mund të luajnë, të vizatojnë dhe të shprehin kreativitetin e tyre përmes artit.

Teksa fëmijët qëndrojnë në këndin e tyre duke pikturuar, të rinjtë dhe familjarët e tyre vijojnë protestën përpara Kryeministrisë, duke kërkuar ndryshime politike dhe përgjigje për kërkesat e tyre.

Rruga Press