Muja prezanton mbështetjen e re për fermerët në Kosovë
Ministri i Bujqësisë, Pylltarisë dhe Zhvillimit Rural në Kosovë, Armend Muja, ka njoftuar për hapjen zyrtare të aplikimit për Programin e Pagesave Direkte 2026, programi kryesor i mbështetjes për prodhimin bujqësor në Kosovë.
Sipas Ministrisë, programi i këtij viti paraqet një hap të rëndësishëm në reformimin e politikave mbështetëse në bujqësi dhe harmonizimin gradual të tyre me parimet e Politikës së Përbashkët Bujqësore të Bashkimit Evropian, me fokus tek fermeri aktiv, rritja e prodhimit vendor, cilësia e produkteve dhe zhvillimi i fermave familjare.
Postimi i tij plotë:
Hapet Thirrja për Aplikim për Programin e Pagesave Direkte 2026Të nderuar fermerë të Republikës së Kosovës,Ju njoftoj se nga sot është hapur zyrtarisht aplikimi për Programin e Pagesave Direkte 2026, programi kryesor i mbështetjes së prodhimit bujqësor në Republikën e Kosovës.Programi i këtij viti paraqet një hap të rëndësishëm në reformimin e politikave mbështetëse në bujqësi dhe harmonizimin gradual të tyre me parimet e Politikës së Përbashkët Bujqësore të Bashkimit Evropian. Ai është ndërtuar për të mbështetur fermerin aktiv, për të forcuar prodhimin vendor, për të rritur cilësinë e prodhimit dhe për të krijuar kushte më të mira për zhvillimin e fermave familjare dhe gjeneratës së re të fermerëve.Përmes Programit të Pagesave Direkte 2026, fermerët do të kenë mundësi të përfitojnë nga katër shtyllat kryesore të mbështetjes:
- Pagesa Bazë për të Ardhura për sipërfaqet e pranueshme bujqësore;• Pagesat Rishpërndarëse për fermat e vogla dhe të mesme, si dhe fermerët e rinj;
- Pagesat e Lidhura me Prodhimin dhe Cilësinë për sektorët prioritarë të bujqësisë;
- Eko-Skemat për prodhimin organik dhe praktikat e qëndrueshme bujqësore.Programi i këtij viti vendos theks të veçantë tek prodhimi, rendimenti dhe cilësia, duke orientuar një pjesë të konsiderueshme të mbështetjes drejt fermerëve që prodhojnë, investojnë dhe kontribuojnë në zhvillimin e tregut vendor. Synimi ynë është të rrisim konkurrueshmërinë e sektorit bujqësor, të forcojmë sigurinë ushqimore dhe të krijojmë më shumë mundësi zhvillimi për zonat rurale.
Periudha e aplikimit: 22 qershor – 21 korrik 2026, deri në ora 16:00 Aplikimi bëhet në Drejtoritë Komunale për Bujqësi në të gjitha komunat e Republikës së Kosovës.
I ftoj të gjithë fermerët që të aplikojnë me kohë dhe t’i kushtojnë vëmendje të veçantë saktësisë së të dhënave të deklaruara. Sipërfaqet, kulturat, kafshët, kosheret dhe prodhimi duhet të deklarohen në përputhje me gjendjen reale në fermë. Deklarimet e sakta mundësojnë verifikim më të shpejtë, më pak vonesa administrative dhe realizim më efikas të pagesave.
Po ashtu, për blegtorët është me rëndësi që kafshët të jenë të identifikuara dhe të regjistruara sipas kërkesave ligjore, ndërsa për sektorët ku kërkohen dëshmi të prodhimit dhe shitjes, dokumentacioni duhet të ruhet dhe të dorëzohet sipas afateve të përcaktuara.
Programi 2026 do të zbatohet me standarde të larta të transparencës, kontrollit dhe llogaridhënies. Verifikimet administrative, kontrollet në terren dhe monitorimi i parcelave do të sigurojnë që mbështetja publike të arrijë tek fermerët aktivë.Për informata shtesë, fermerët mund të drejtohen në Drejtoritë Komunale për Bujqësi, Ministrinë e Bujqësisë, Pylltarisë dhe Zhvillimit Rural, Agjencinë për Zhvillimin e Bujqësisë, si dhe në faqet zyrtare të institucioneve përkatëse:
- Drejtoritë Komunale për Bujqësi në komunën përkatëse;
- Ministrinë e Bujqësisë, Pylltarisë dhe Zhvillimit Rural – www.mbpzhr-ks.net;• Agjencinë për Zhvillimin e Bujqësisë – www.azhb-ks.net;• Adresën elektronike të AZHB-së: pd.azhb@rks-gov.net.Ftoj të gjithë fermerët që të shfrytëzojnë këtë mundësi dhe të bëhen pjesë e zhvillimit të mëtejshëm të bujqësisë së Kosovës.Fermeri aktiv në qendër. Prodhimi vendor në fokus.Armend MujaMinistër i Bujqësisë, Pylltarisë dhe Zhvillimit Rural
Rruga Press