Zbulohet mënyra se si e kishte marrë vesh Mossadi vendndodhjen e Khameneit

Udhëheqësi suprem i Iranit, Ali Khamenei, u vra pasi spiunët izraelitë hakuan kamerat e trafikut në Teheran, sipas raportimeve.

Kamerat ishin një nga burimet e shumta të inteligjencës që ndihmuan në konfirmimin e vendndodhjes së Ajatollahut të shtunën në mëngjes, sipas dy burimeve të njohura me çështjen.

Ishte gjithashtu një burim njerëzor që u raportonte amerikanëve, kanë thënë të dy burimet, megjithëse CIA nuk pranoi të komentonte.

Një zyrtar i inteligjencës izraelite i ka thënë Financial Time se “Ne e njihnim Teheranin siç e njohim Jerusalemin… dhe kur e njeh (një vend) aq mirë sa e njeh rrugën ku je rritur, vëren një gjë të vetme që nuk është në vendin e duhur”.

Izraeli kishte arritur të dëmtonte “dhjetëra” kulla të telefonisë celulare aty pranë për të parandaluar truprojat e Khameneit të merrnin paralajmërime të mundshme.

Vendimi u mor për të synuar udhëheqësin në fillim të armiqësive, kanë thënë burimet, përpara se ai të mund të kërkonte strehim në një bunker të papërshkueshëm nga bombat.

Operacioni ishte planifikuar prej muajsh, raportoi FT, por u ndryshua kur inteligjenca amerikane dhe izraelite mësuan se Khamenei dhe zyrtarë të lartë do të takoheshin në kompleksin e tij të shtunën.

Rruga Press