Ose Serbia zgjedh shtetin modern, ose vazhdon të adhurojë mitin — dhe zhduket bashkë me të

Shkruan Ivan Videnoviq

Po ju flas unë për nacionalizmin dhe patriotizmin tuaj shtetëror të kalbur, o mbetje radikalësh të ushqyer me mitologji ruse!

Ju nuk e humbët Kosovën sepse ua morën.

E humbët sepse e shtypët, e dhunuat dhe e masakruat një popull që kurrë nuk ju kishte bërë asgjë të keqe.

Serbinë e Versajës e shkatërruat vetë — me arrogancë, me dhunë dhe me paaftësi për bashkëjetesë dhe integrim.

Vojvodinën dhe Sanxhakun, në vend që t’i ruanit si sytë e ballit, i shtrydhni si limon.

Maqedoninë ua dorëzuat bullgarëve sepse zgjodhët mitin në vend të shtetit.

Aleancat historike me Greqinë dhe Rumaninë i hodhët në plehra, sepse ato zgjodhën Evropën, ndërsa ju zgjodhët Rusinë — një perandori të kalbur që ju përdor si mish për propagandë.

Ideologjia juaj svetosaviste nuk është as fe, as politikë:

ajo është alibi për dështimin.

Krijuat armiq nga popuj që kurrë nuk ishin armiq:

nga shqiptarët, kroatët, boshnjakët dhe malazezët.

Ndërsa armiqve të vërtetë u përkuleni në gjunjë për naftë dhe gaz.

Trimëria juaj përfundon aty ku fillon interesi.

Sot Serbia është e vetmuar, e rrethuar, pa miq, pa besim, pa një të ardhme të qartë —

falë luftërave tuaja kundër civilëve,

falë krimeve tuaja,

falë britmave primitive për “Serbinë e Madhe”, për Prizrenin, për Rumijen.

Mite për turmën.

Varre për shtetin.

BE-ja dhe NATO-ja nuk janë më slogane ideologjike.

Janë instinkti i fundit i mbijetesës.

Ose Serbia zgjedh shtetin modern,

ose vazhdon të adhurojë mitin — dhe zhduket bashkë me të.

Rruga Press