Autoritetet estoneze sekuestrojnë një anije me destinacion Rusinë, dyshohet për kontrabandë

Autoritetet doganore estoneze njoftuan të martën vonë se kishin sekuestruar një anije kontejnerësh me flamur të Bahameve në ujërat e vendit. Anija mund të jetë e lidhur me kontrabandën nga Ekuadori, thuhet në deklaratë.

Anija, e quajtur “Baltic Spirit”, ishte në rrugë nga Ekuadori për në Shën Petersburg, Rusi, dhe nuk është pjesë e flotës në hije ruse dhe as subjekt i sanksioneve të Bashkimit Evropian, thanë autoritetet në një deklaratë.

“Ka arsye për të besuar se anija mund të jetë përdorur për kontrabandë “, thuhet në deklaratë, duke shtuar: “Njësia speciale e policisë K-Commando hipi në anije, e cila u mbajt nën mbikëqyrje kombëtare për të kryer një inspektim doganor”.

Anija “Baltic Spirit” u ankorua pranë Talinit të mërkurën, pasi kishte udhëtuar atje nga një port kolumbian, sipas shërbimit të gjurmimit të anijeve MarineTraffic.

Rruga Press