Kosova dhe Italia me marrëveshje për eliminimin e tatimit të dyfishtë

February 3, 2026 user 1

Ambasada e Republikës së Kosovës në Itali ka njoftuar se ka hyrë në fuqi marrëveshja ndërmjet Kosovës dhe Italisë për eliminimin e tatimit të dyfishtë, parandalimin e evazionit fiskal dhe shmangien e tij.

Sipas njoftimit, marrëveshja sjell përfitime të rëndësishme për qytetarët dhe komunitetin e biznesit, duke garantuar:

Asnjë tatim i dyfishtë për të njëjtat të ardhura në Kosovë dhe Itali.

Lexo më shumë Vetëvendosjes i shtohet një ulëse në Kuvend kur janë numëruar vetëm 27% e votave në përfaqësitë diplomatike

Tatimi i paguar njihet si kredit tatimor në shtetin tjetër sipas rregullave përkatëse.
Rregulla të qarta për paga, profesione të lira dhe biznese.

Pensionet tatohen vetëm në shtetin e rezidencës.
Punësimi afatshkurtër (deri 183 ditë) tatohen vetëm në shtetin e rezidencës kur plotësohen kushtet e marrëveshjes.

Përjashtime për studentë dhe praktikantë që qëndrojnë për studim ose trajnim.
Norma më të favorshme për dividendë, interesa dhe honorare.

Lexo më shumë Goditja e SPAK ndaj grupit të dyshuar për trafik kokaine nxjerr në skenë emrin e Samir Manes, dyshime për negociata miliona euro për një projekt në Palasë

Siguri juridike më të madhe për qytetarët dhe investitorët.

Ambasada ka theksuar se marrëveshja përfaqëson një hap të rëndësishëm për forcimin e marrëdhënieve bilaterale dhe thellimin e bashkëpunimit ekonomik mes Kosovës dhe Italisë.

Rruga Press