Lubisha Miljkoviq dënohet me 2 vjet burgim dhe 14 mijë euro gjobë për sulm ndaj KFOR-it dhe Policisë

December 4, 2025 user 1

Lubisha Miljkoviq është dënuar me 2 vite burg dhe 14 mijë euro gjobë për sulmin ndaj ushtarëve të KFOR-it dhe Policisë së Kosovës në Zveçan, më 29 maj 2023.

I pandehuri ka pranuar fajësinë pas marrëveshjes së arritur me Prokurorinë Speciale për veprat “sulm” dhe “pjesëmarrje në turmë që kryen vepra penale apo huliganizëm”.

Lexo më shumë Beti Njuma: Ironi që shënojmë Ditën e Teatrit pasi lejuam shembjen e Teatrit Kombëtar

Sipas prokurorit Bekim Kodraliu, dënimi përfshin kohën e kaluar në paraburgim, ndërsa gjashtë muajt e mbetur zëvendësohen me gjobë prej 14 mijë eurosh.

Gjykata, e udhëhequr nga gjyqtarja Violeta Namani-Hajra, ka vlerësuar se marrëveshja është e ligjshme dhe e mbështetur në prova.

Rruga Press

Lexo më shumë Bujqësia dhe industria në recesion të gjatë, me rënie edhe në 2025-n në Shqipëri