Pezullimi nga detyra, mbahet seanca për verifikimin e masës për Ballukun

November 22, 2025 user 1

Belinda Balluku u paraqit mëngjesin e së shtunës në Prokurorinë e Posaçme për verifikimin e masës së sigurisë dhe marrjen në pyetje.Më herët hynë në GJKKO kreu i ARRSH Gentian Gjyli dhe drejtori i KESH Erald Elezi.

Gjyli dhe Elezi janë shoqëruar me polici për shkak të masës së sigurisë “arrest në shtëpi”.

Lexo më shumë Kosova dhe Serbia bien dakort që të funksionalizojnë komisionin për të zhdukurit me dhunë gjatë luftës

Gjykata e Posaçme caktoi të enjten dy masa sigurie për zëvendëskryeministren Belinda Balluku: “pezullim i ushtrimit të detyrës dhe funksionit” dhe “ndalim i daljes jashtë vendit” në kuadër të hetimeve për shkelje të barazisë në tenderë.

Prokuroria e Posaçme kundër Korrupsionit dhe Krimit të Organizuar, SPAK më datë 31 tetor komunikoi zyrtarisht se ka ngritur akuzë ndaj ministres së Infrastrukturës dhe Energjisë, Belinda Balluku, për veprën penale “Shkelje e barazisë së pjesëmarrësve në tenderë apo ankande publike”, kryer në bashkëpunim.

Lexo më shumë Ashtu si Rama, edhe Lukashenko nuk ishte në themelimin e Bordit të Paqes

Rruga Press