Çeku: Minna Fashion, shembull i krijimtarisë që po promovon Prishtinën në botë

Ministri i Kulturës, Rinisë dhe Sportit, Hajrulla Çeku, ka vizituar punëtorinë dhe showroom-in e Minna Fashion në Çagllavicë, një biznes që po i jep Prishtinës imazh dhe zhvillim ekonomik përmes shitjeve të shumta, kryesisht jashtë vendit.

Çeku vlerësoi kontributin e këtij brendi në promovimin e krijimtarisë dhe fuqizimin e ekonomisë lokale, duke theksuar se institucionet do të vazhdojnë të mbështesin nisma të tilla.

“Do të punojmë bashkë për më shumë prosperitet për bizneset e Prishtinës, për ekonomi të rritura familjare dhe për një qytet kreativ të njohur ndërkombëtarisht,” – tha Çeku.

Kjo vizitë është pjesë e përpjekjeve të ministrit për të nxitur zhvillimin ekonomik përmes industrive kreative dhe për ta pozicionuar Prishtinën si një qendër të rëndësishme kulturore dhe inovative në rajon.

Rruga Press