Stabilizohen zjarret në vend, situatë problematike në Majën e Zezë në Kukës
Në qarkun e Kukësit, situata problematike paraqitet në Majën e Zezë, ndërsa në terren krahas helikopterit holandez janë edhe 30 trupa te Forcave te Armatosura per te ndihmuar në shuarjen e flakëve.
Në qarkun e Shkodrës, zjarri në fshatin Srriqe po mbahet nën kontroll nga zjarrfikësit lokalë, ndërkohe që në vendin e quajtur Qershizë-Fushë Kumulli vazhdon puna për shuarjen e vatrave të vogla.
Situata është e stabilizuar edhe në qarkun e Vlorës, pasi zjarri në malin Çipin të bashkisë Selenicë nuk ka rrezik per banesat.
Zjarri në fshatin Lundre të bashkisë Mat është përhapur per shkak të erës, megjithatë nuk përbën rrezik për banesat.
Në qarqet e tjera, situata është e qetë, ndërsa në njësisë administrative Helmës të bashkisë Kavajë, në terren, krahas 40 trupave te FA, janë angazhuar edhe zjarrfikësit e bashkive të qarkut.
Rruga Press