10 të vrarë në Ukrainë/ Zelenski: Moska kërkon të poshtërojë përpjekjet diplomatike para takimit të Uashingtonit

Lideri ukrainas Volodymyr Zelensky tha se Moska kërkon të poshtërojë përpjekjet diplomatike, para bisedimeve me Donald Trump në Shtëpinë e Bardhë, ndërsa 10 persona janë vrarë sot në sulmet ajrore ruse në të gjithë Ukrainën. 

Deklarata vjen ndërkohë që liderët europian, bashkë me Zelensky-n, ndodhen në Uashington duke në një shfaqje uniteti me Ukrainën. Më herët Trump përjashtoi mundësinë e anëtarësimit të Ukrainës në NATO dhe përjashtoi mundësinë e rimarrjes së Krimesë, e cila u aneksua nga Moska në vitin 2014. 

Kujtojmë që gjatë samitit të Alaskës, Presidenti rus Vladimir Putin parashtroi 6 kërkesa për arritjen e një marrëveshje me Ukrainën.  Një nga kërkesat kryesore të shefit të Kremlinit është tërheqja e forcave të Kievit nga rajonet e Donetskut dhe Luhanskut. 

Ndërkaq, në këmbim Moska zotohet të lëshojë pjesë të rajoneve të Sumit dhe Kharkivit.  Po ashtu Putin ka kërkuar ndalimin e anëtarësimit të Ukrainës në NATO, që me sa duket vijon të jetë vija e kuqe e Moskës në raport me Kievin.  Mbetet për t’u parë se sa i gatshëm do të tregohet Presidenti ukrainas Volodymyr Zelensky për t’u dhënë dritën jeshile kërkesave të Putinit.

Rruga Press