Arrestimi i policit të dyshuar për spiunazh, Musliu: Janë gjetur dokumente të Shoqatës Ndërkombëtare të Policisë (IPA), ku janë anëtare Serbia dhe Rusia

July 17, 2025 user 1

Eksperti i sigurisë, Agim Musliu, e ka quajtur sukses arrestimin e Bojan Jevtiqit, zyrtarit policor, i dyshuar për spiunazh për llogari të BIA-s serbe.

Ai ka shkruar se ky është ndër rastet më të suksesshme e që tregojnë përkushtimin e institucioneve tona.

“Arrestimi i Bojan Jevtiqit, zyrtar i Policisë së Kosovës, nën dyshimet për spiunazh për llogari të BIA-s serbe, është një nga rastet më serioze por edhe më të suksesshme në fushën e kundërzbulimit. Hetimet disa mujore nga AKI, prokuroria speciale tregojnë përkushtim dhe koordinim për të goditur rrjete të fshehta me prani në institucionet tona të sigurisë”, tha ai përmes një postimi në Facebook.

Lexo më shumë Si u bënë njerëzit e partisë së Vuçiqit miliarderë që ngasin makina McLaren, blejnë vila dhe jahtet e të cilëve digjen si fishekzjarre në Mal të Zi?

Po ashtu, ai ka treguar se “Në posedim të Jevtiqit u gjetën edhe dokumente të Shoqatës Ndërkombëtare të Policisë (IPA), ku janë anëtare Serbia dhe Rusia, por jo Kosova”.

“Kjo ngre dyshime për rrjete paralele komunikimi jashtë kanaleve zyrtare. Përfshirja e një zyrtari policor në këtë rast thekson nevojën për vigjilencë të shtuar institucionale ndaj rrjedhjes së informacioneve të ndjeshme”, shtoi ai.

Lexo më shumë Prokurorja e SPAK në Kushtetuese: Qëndrimi në detyrë i Ballukut, rrezik potencial

“Armë, dy milionë denarë serbë, 10 mijë euro”, prokuroria tregon se çka gjeti gjatë operacionit të arrestimit të policit të dyshuar për spiunazh

Rruga Press