Nagavci jep lajmin: Agjencia e Kosovës për Akreditim pranohet anëtare me të drejta të plota në Regjistrin Evropian për Sigurimin e Cilësisë në Arsimin e Lartë

July 14, 2025 User2

Agjencia e Kosovës për Akreditim (AKA) është pranuar si anëtare me të drejta të plota në Regjistrin Europian për Sigurimin e Cilësisë në Arsimin e Lartë (EQAR).

Lajmin e ka bërë të ditur ministrja e Arsimit në detyrë, Arbërie Nagavci, e cila tha se kjo tregon se Agjencia i ka plotësuar standardet më të larta të cilësisë së arsimit të lartë.

Lexo më shumë Kusari Lila: Nëse s’do të caktohej marzha për derivatet e naftës, çmimet do të ishin pashmangshëm më të larta

“Ky sukses është një hap i madh për Kosovën duke garantuar se diplomat e studentëve tanë do të njihen me lehtë dhe më shpejt falë përkushtimit dhe standardeve të larta që ofrohen përmes anëtarësimit në EQAR”- ka thënë ajo.

EQAR është institucioni më i lartë europian që regjistron agjenci të cilat veprojnë në përputhje me standardet europiane për sigurimin e cilësisë në arsimin e lartë (ESG).

Në vitin 2018, Agjencia e Kosovës për Akreditim u përjashtua nga EQAR, për shkak të shkarkimit të bordit të kësaj Agjencie që ishte bërë me kërkesë të ish-kryeministrit, Ramush Haradinaj.

Lexo më shumë ShBA-ja bën thirrje në OKB për mbylljen e UNMIK-ut: S'ka arsye që Kosova të trajtohet më 2026 sikur të ishte në vitin 1999. Sot KFOR-i ndihmon që të ruhet siguria në rajon

Kjo organizatë kishte konsideruar se AKA ka humbur mundësinë të veprojë si e pavarur pas asaj ndërhyrjeje politike.

Rruga Press