KFOR-i njofton se ushtarë nga Shqipëria dhe Austria janë dislokuar në Kosovë, zëvendësojnë njësitë bullgare dhe greke

July 2, 2025 User2

KFOR ka bërë të ditur se ushtarët shqiptarë dhe austriakë të Forcës Rezervë Operacionale Shumëkombëshe, kanë përfunduar sot dislokimin e tyre në Kosovë në mbështetje të këtij misioni, duke zëvendësuar njësitë bullgare dhe greke.

Nga KFOR është thënë se forca rezervë përforcon aftësitë operacionale dhe gatishmërinë e KFOR-it për çdo skenar të mundshëm, rotacion i cili ndihmon që ato të mbeten të përqendruara dhe të trajnuara mirë.

Lexo më shumë Gërvalla: Kosova duhet të jetë në Këshillin e Evropës

‘‘Forca Rezervë Operacionale (ORF) përforcon aftësitë operacionale dhe gatishmërinë e KFOR-it për çdo skenar të mundshëm. Rotacioni i trupave ndihmon që ato të mbeten të përqendruara dhe të trajnuara mirë, në mënyrë që të përmbushin mandatin afatgjatë të Kombeve të Bashkuara të KFOR-it, bazuar në Rezolutën 1244 të Këshillit të Sigurimit të OKB-së të vitit 1999’’, thuhet mes tjerash nga KFOR.

Lexo më shumë Momçilo Gajiq, udhëheqësi i grupit serb që shkaktoi trazira në Evropë me urdhër të inteligjencës ruse – strehohet në Moskë

Rruga Press