BotaKryesore

Irani në flakë – Izraeli kryen sulme të reja ajrore

user 1

Tensionet në Lindjen e Mesme kanë arritur një tjetër kulm, pasi Forcat Ajrore Izraelite kanë ndërmarrë një seri sulmesh ajrore shkatërruese në territorin e Iranit, duke goditur disa nga objektivat më të ndjeshëm ushtarakë dhe bërthamorë të vendit.

Sipas burimeve ndërkombëtare, janë goditur një fabrikë për prodhimin e raketave të Gardës Revolucionare Islamike (IRGC) në qytetin Shiraz, baza ajrore në Tabriz, një depo raketash dhe pajisjesh ushtarake në Borujerd, aeroporti i Tabrizit dhe qendra kryesore e pasurimit të uraniumit në Natanz – një prej elementëve kyç të programit bërthamor iranian.

Sulmet, të cilat konsiderohen si ndër më të koordinuarat dhe të drejtpërdrejtat që nga fillimi i përplasjeve të fundit rajonale, kanë shkaktuar reagime të ashpra brenda Iranit.

Në disa qytete kryesore janë regjistruar protesta masive. Qytetarë të zemëruar kanë dalë në rrugë duke kërkuar që qeveria të ndërmarrë veprime hakmarrëse kundër Izraelit. Thirrjet për reagim të menjëhershëm po bëhen gjithnjë e më të forta, teksa rritet frika për një përshkallëzim të mëtejshëm të konfliktit në rajon.

Lexo më shumë  Ajeti jep një lajm të mirë: Kosova ndër ekonomitë me rritjen më të shpejtë në kontinent

Zyrtarët iranianë ende nuk kanë dhënë një deklaratë zyrtare për dëmet dhe pasojat e sulmeve, por burime të brendshme raportojnë për viktima dhe dëme të mëdha materiale.

Situata mbetet tejet e tensionuar, ndërsa komuniteti ndërkombëtar bën thirrje për vetëpërmbajtje dhe shmangie të një konflikti të hapur rajonal.

Rruga Press

Lexo më shumë  Kurti në takimet rajonale të Inteligjencës Financiare: Ka progres në luftimin e krimit të organizuar
YouTube player