Facebook bllokon talebanët: Janë terroristë, nuk do kenë asnjë llogari në rrjetin social

Facebook ka vendosur që të ndalojë të gjitha përmbajtjet e publikuara në rrjetin social nga talebanët.

Vetë zëdhënësi i Facebook ka konfirmuar për BBC se nëse talebanët vijojnë ende të sanksionohen organizatë terroriste sipas ligjit amerikan, llogaritë e tyre do të hiqen dhe nuk do të funksionojnë më.

“Talebanët janë të sanksionuar si një organizatë terroriste sipas ligjit amerikan dhe ne i kemi ndaluar ata nga shërbimet tona sipas politikave tona të Organizatës së Rrezikshme. Kjo do të thotë që ne heqim llogaritë e mbajtura nga ose në emër të talebanëve dhe ndalojmë lavdërimin, mbështetjen dhe përfaqësimin e tyre.

Ne gjithashtu kemi një ekip të përkushtuar të ekspertëve të Afganistanit, të cilët janë folës amtare të Dari dhe Pashtos dhe kanë njohuri për kontekstin lokal, duke na ndihmuar të identifikojmë dhe paralajmërojmë për çështjet e reja në platformë,”- tha zëdhënësi i Facebook.

Rruga Press