Marrëveshje trepalëshe mes policisë, komunës dhe postës – gjobat e trafikut në Gjilan shpërndahen direkt në adresën e shoferit

Policia e Kosovës në bashkkëpunim me Komunën e Gjilanit dhe Postës së Kosovës sot ka nënshkruar marrëveshje bashkëpunimi për kryerjen e shërbimeve postare.

Marrëveshja ka të bëjë me shpërndarjen e dërgesave – gjobave të trafikut rrugor në adresë të pronarit të automjetit.

Kjo marrëveshje do të filloj të zbatohet në Komunën e Gjilanit për gjobat që shqiptohen përmes identifikimit nga vetura me pajisje inteligjente, radarë mobil apo kamera statike dhe kamera të trupit.

Ky projekt do të shtrihet edhe në komunat tjera të rajonit të Gjilanit për secilën komunë veç e veç, e gjithë kjo që secili Stacion Policor/Njësi Policore të fillojnë me dërgimin e gjobave në adresë të pronarit të mjetit përmes Postës së Kosovës.

Rruga Press