Vizioni fantastik i Pogbas me katër asistime – Fernandes kompleton het-trikun e golave

Paul Pogba ja vazhduar të jetë njeriu kryesor i Manchester Unitedit edhe në gjysmën e dytë të takimit kundër Leeds United.

Me të filluar pjesa e dytë (48’), Luke Ayling i barazoi shifrat me një gol të bukur të realizuar nga largësia.

Porse aty ishte Paul Pogba për të nisur një superasistim drejt Mason Greenwood, i cili vazhdoi përpara dhe riktheu epërsinë e Djajve të Kuq (52’).

I menjëhershëm ishte reagimi i radhës nga mesfushori francez, i cili asistoi te Bruno Fernandes. Portugezi e ndali topin me një lëvizje të mrekullishme dhe e shënoi golin e dytë personal dhe të tretin për skuadrën (54’).

Fernandes vazhdoi të ishte i jashtëzakonshëm duke e kompletuar het-trikun pas një asistimi këtë herë nga Victor Nilsson Lindeloef (60’).

Pogba nuk u ndal me asistimet. E dhuroi edhe të katërtin për Fred dhe ai ishte i saktë (68’) duke shënuar për rezultatin (5-1).

Theksojmë se në pjesën e parë, Unitedi shënoi një gol, ndërsa protagonistë ishin dyshja Pogba – asistues dhe Fernandes – realizues.

Rruga Press