Publikimi i akuzave të Shkëmb Manajt në grupin e kryesisë së LDK-së në Whatsapp, vjen një reagim nga Vetëvendosja

March 28, 2025 user 1

Pasi publikimeve të akuzave të nënkryetarit të LDK-së, Shkëmb Manaj, që i kishte bërë në fillim të muajit mars në grupin e kryesisë qendrore të partisë në Whatsapp, për vjedhje votash e skema kriminale brenda partisë, ka ardhur një reagim nga Lëvizja Vetëvendosje.

Zëdhënësi i kësaj partie, Arlind Manxhuka ka thënë se ky publikim dëshmon që “skemat kriminale kanë ekzistuar qenka folur gjerë e gjatë aty, por që paskan pritur të bëhet ndokush nënkryetar e ndokush deputet për të blerë heshtjen.”

“Bisedat përbrenda Kryesisë së LDK-së paskan pritur fillimisht çertifikimin e rezultateve që të dalin. Pra, që skemat kriminale kanë ekzistuar qenka folur gjerë e gjatë aty, por që paskan pritur të bëhet ndokush nënkryetar e ndokush deputet për të blerë heshtjen.”, ka shkruar Manxhuka.-Advertisement-

Lexo më shumë Rutte: I kërkova Vuçiqit llogaridhënie për sulmin në Banjskë

Ai tha se ky publik është një dëshmi shtesë për Prokurorinë në kuadër të hetimeve që kanë nisur.

Reporteri.net ka publikuar pak minuta më parë akuzat e Manajt për LDK-në, për skema kriminale, manipulime e shitblerje të votave që pretendohet të kenë ndodhur brenda listës zgjedhore të LDK-së.

Akuzat ish-deputeti i ka ngritur pak ditë pas zgjedhjeve të 9 shkurtit, në një grup të brendshëm komunikimi të anëtarëve të kryesisë së partisë së Lumir Abdixhikut. Këtë të fundit, Manaj në mesazhin e tij thotë se e ka njoftuar personalisht për manipulimet. Megjithatë, pos Abdixhikut dhe anëtarëve të kryesisë së LDK-së, letra ka rënë edhe në duart e Prokurorisë së Shtetit, e cila po heton pretendimet e sapo të emëruarit nënkryetar të komunës së Prishtinës.

Lexo më shumë Vlora Çitaku, makskota paraolimpike e politikës së dështuar

Kandidati për deputet në listën e Lidhjes Demokratike të Kosovës, Shkëmb Manaj, ka akuzuar bashkëpartiakët, që janë edhe pjesë e Kryesisë Qendrore të LDK’së, se ia vodhën mandatin e deputetit.

Gazeta Online Reporteri.net e ka siguruar përmbajtjen e mesazhit të cilin Manaj e dërgoi me 3 mars 2025 në grupin e komunikimit të brendshëm, në “WhatsApp”, të anëtarëve të kryesisë qendrore të LDK-së.

Rruga Press