Që politikanët bëjnë premtime boshe dhe mashtrojnë nëpër fushata zgjedhore, kjo nuk është ndonjë gjë e re

Shkruan Klodian Tomorri

Që politikanët bëjnë premtime boshe dhe mashtrojnë nëpër fushata zgjedhore, kjo nuk është ndonjë gjë e re

Por ky duhet te jete rasti i parë në botë kur një politikan i premton popullit diçka që dihet botërisht se nuk e ka ai në dorë.

Ma jepni mandatin e katërt se do t’ju fus në BE-thotë kryeministri. Kjo është gjithë fushata e Partisë Socialiste këtë vit.

Por si do na fusë në BE kryeministri? Se këtë nuk e ka ai në dorë. E ka në dorë Makroni, Merzi, Meloni dhe nja 25 udhëheqës të tjerë të vendeve europiane, përfshirë parlamentet e tyre etj etj.

Po sikur ata të mos pranojë, ça bëhet?

Ah- do thotë ky- unë e bëra pune time. I plotesuam të gjitha kushtet, e mbajta premtimin, por ja nuk deshën këta se nuk dinë ku kanë kokën e tyre.

Gallatë e madhe është kjo.

Nuk thotë do rris fondet publike për arsimin, shëndetesinë, do rris pensionet, do përmirësoj shërbimet publike, këto dmth që i ka vetë në dorë, por thotë do t’ju fus në BE.

Përpara erë përpara.

Mandatin tjetër futi dhe një premtim për rikthimin e Anglise në BE.

Rruga Press