Vijon protesta e minatorëve në Bulqizë: Nëse nuk na plotësohen kërkesat do shkojmë në grevë urie
Minatorët e Bulqizës kanë vijuar protestën edhe ditën e sotme, ku janë shprehur se nuk do të ndalen deri në realizimin e pikave që i kanë kërkuar kompanisë turke Yıldırım Holding. Sipas tyre më të rëndësishmet janë ngritja e pagës dhe heqja e punës së detyrueshme ditëve të shtuna.
“Nëse nuk na realizohen pikat që kërkojmë protesta do të përshkallëzohen deri në grevë urie dhe bllokimin e evadit të kromit”, shprehen ata.
Ndërkohë sipas minatorëve, kompania ka kërkuar të zhvillojë bisedime me ta por gjithashtu ka deklaruar se momentalisht është e pamundur ngritja e pagës.
Një ditë më parë, minatorët janë shprehur se po i shfrytëzojnë dhe se nuk kanë kushte aspak të mira në punë.