Të paktën 32 persona janë nxjerrë në breg pasi një anije cisternë shpërtheu, pas përplasjes me një anije mallrash në brigjet e Mbretërisë së Bashkuar

Të paktën 32 persona janë nxjerrë në breg – për gjendjen e të cilëve ende nuk janë dhënë detaje – janë raportuar pasi një anije cisternë që përmbante një ngarkesë me karburant aeroplani u përplas me një anije mallrash në brigjet e Yorkshire dhe shpërtheu në flakë.

Incidenti ndodhi në grykëderdhjen Humber pranë qytetit të Withernsea, në lindje të Hull pak para orës 10 të mëngjesit të sotëm, shkruajnë mediat britanike.

Sipas rojes bregdetare britanike, bëhet fjalë për një cisternë që është përplasur me një anije mallrash në Detin e Veriut në brigjet angleze.

Varkat e shpëtimit dhe një helikopter i rojes bregdetare u thirrën në ndihmë në grykëderdhjen e Humber, që besohet se përfshin një cisternë me flamur amerikan të quajtur MV Stena Immaculate.

Një helikopter i rojes bregdetare është dërguar në vendngjarje dhe aktualisht po koordinon një përgjigje me zjarrfikësit lokalë.

Një zëdhënës i Rojës Bregdetare të HM tha: “Roja bregdetare e HM aktualisht po koordinon përgjigjen e urgjencës ndaj raporteve për një përplasje midis një cisternë dhe anijeje mallrash në brigjet e Yorkshire Lindore”.

“Alarmi u ngrit në orën 9:48”.

Anëtarët e cisternës me flamurin amerikan Stena Immaculate kanë braktisur anijen me kontejnerë në brigjet e grykëderdhjes Humber.

Martyn Boyers, shefi ekzekutiv i Portit të Grimsby East, tha se nëntë “viktima të tjera” janë nxjerrë në breg në bordin e një anijeje pilot në port, duke e çuar numrin e përgjithshëm në 32.

Rruga Press