Kurti: Krimet e luftës nuk mund të mbeten në heshtje e as të mbulohen me harresë

February 17, 2025 User2

Është mbajtur konferenca e parë shkencore nga Instituti i Krimeve të Kryera Gjatë Luftës në Kosovë.

Kryeministri në detyrë, Albin Kurti, ka thënë se shteti i Kosovës mbetet i palëkundur për të zbardhur të vërtetën, për të ruajtur kujtesën kolektive, dhe për të garantuar që drejtësia do të vjen në vend.

“Krimet nuk mund të mbeten në heshtje, e as të mbulohen me harresë. Andaj po vazhdojmë të flasim, të shkruajmë dhe të dëshmojmë derisa çdo krim të dokumentohet e ndëshkohet, derisa çdo viktimë të ketë drejtësi”, ka thënë ai.

Lexo më shumë Henze, Ish-Këshilltar Ekonomik i Kancelares Merkel: Dita e lirisëe u arrit vetëm me sakrifica të mëdha, prandaj dëshmorët që dhanë jetën dhe nderin për këtë liri meritojnë mirënjohjen tonë më të lartë, veçanërisht UÇK-ja, e cila iu kundërvu Serbisë agresore

Kryesuesi i këtij Instituti, Atdhe Hetemi ka theksuar se kjo konferencë dëshmon rëndësinë e arkivit vendor, si referencë të studiuesve vendor dhe ndërkombëtarë. Hetemi më tutje ka thënë se kjo konferencë nuk është e rëndësishme vetëm për të kaluarën, por edhe për të ardhmen e vendit.

“Ky proces garanton cilësinë dhe objektivitetin shkencor të artikujve që do të jenë pjesë e vëllimit të redaktuar, i cili synon të publikohet në njërën nga shtëpitë botuese më prestigjioze në botë si ‘Cambridge University Press’, ‘Routledge’, ‘Palgrave”, ka thënë Hetemi.

Lexo më shumë Asambleja Kombëtare e Francës miraton taksën për super të pasurit

Rektori i UP-së, Arben Hajrullahu ka thënë se nëpërmjet bashkëpunimit ndërinstitucional me Institutin e Krimeve të Kryera Gjatë Luftës në Kosovë, përveç hapjes së një horizonti të ri për hulumtim e dokumentim, edhe do të kontribuojnë në ndërgjegjësimin e brezave të ri për të vërtetën historike.

Rruga Press