Ambasadori i Kosovës në Gjermani, Ajeti: Ditë historike, votimi për herë të parë në misionet tona diplomatike dhe konsullore në Gjermani dhe Danimarkë
Ambasadori i Kosovës në Gjermani, Faruk Ajeti, është shprehur se sot është ditë historike pasi sot është hera e parë që misionet tona diplomatikë dhe konsullore në Gjermani dhe Danimarkë.
Ajeti, përmes një postimi në facebook tha se qytetarët e Republikës së Kosovës po ushtrojnë të drejtën e tyre për të votuar në misionet tona diplomatike dhe konsullore në Berlin, Düsseldorf, Frankfurt, Hamburg, Kopenhagë, München dhe Stuttgart.
Ndërsa ka inkurajuar të gjithë qytetarët e regjistruar të shfrytëzojnë këtë të drejtë dhe të bëhen pjesë e këtij rrugëtimi historik.
“Ditë historike – Votimi për herë të parë në misionet tona diplomatike dhe konsullore në Gjermani dhe Danimarkë!
Sot, për herë të parë në historinë e shtetit tonë, qytetarët e Republikës së Kosovës po ushtrojnë të drejtën e tyre për të votuar në misionet tona diplomatike dhe konsullore në Berlin, Düsseldorf, Frankfurt, Hamburg, Kopenhagë, München dhe Stuttgart.
Inkurajojmë të gjithë qytetarët e regjistruar të shfrytëzojnë këtë të drejtë dhe të bëhen pjesë e këtij rrugëtimi historik për fuqizimin e demokracisë dhe përfaqësimin e Republikës sonë!”, ka shkruar Ajeti.
Rruga Press