Bota

Zhvillohen protesta masive në Gjermani kundër paktit CDU/CSU dhe AfD

Qindra-mijëra vetë në të gjithë Gjermaninë protestuan në fundjavë ,në rrugët e shumë qyteteve kundër votimit të përbashkët të CDU/CSU dhe AfD në Bundestag.

Sipas policisë rreth 160,000 vetë u mblodhën vetëm në Berlin të dielën pasdite për të demonstruar për ruajtjen e barrikadave ndaj AfD. Organizatorët thonë se numri i pjesëmarrësve ka qenë madje deri në 250,000 demonstrues. Shumë pjesëmarrës kishin në duar pankarta kundër CDU dhe kundër kandidatit të tyre për kancelar Friedrich Merz.

Lexo më shumë  BE-ja thotë se ‘do të përgjigjet me vendosmëri’ nëse Trump vendos tarifa ndaj bllokut

Marshimi demonstrues u zhvillua nga rrugët e afërta me Bundestagun e deri tek selia e partisë CDU.

Demonstruesit ndezën dritat e celularëve dhe brohoritën kundër kandidatit të Unionit për kancelar, Merz.

Demonstruesit kërkuan distancë të qartë ndaj AfD dhe brohorisnin që Merz duhet të turpërohet. Për shkak të numrit të madh të protestuesve, shumë rrugë u bllokuan në Berlin.

Lexo më shumë  Tensioni mes Kinës dhe Tajvanit: Pekini dërgon 21 avionë dhe 7 anije luftarake
YouTube player