Në Britani, 75% e njerëzve kanë marrë dy doza të vaksinës kundër COVID-19
Më shumë se 75% e të rriturve në Britaninë e Madhe janë vaksinuar plotësisht kundër virusit korona, njoftoi Ministria e Shëndetësisë dhe Mirëqenies Sociale (DHSC).
Sipas statistikave të DHSC, gjithsej 86 milionë e 780 mijë e 455 doza janë dhënë në Britani të Madhe.
Doza e parë u mor nga 47.091.889 persona ose 89 për qind, dhe të dyja dozat nga 39.688.566 persona ose 75 për qind, raporton Guardian.
“Futja jonë e jashtëzakonshme e vaksinës ka siguruar mbrojtje jetike kundër virusit për tri të katërtat e të rriturve në Britani. Kjo është një arritje e madhe kombëtare, me të cilën të gjithë duhet të jemi krenarë. Është e rëndësishme që të pa vaksinuarit të vaksinohen sa më shpejt që të jetë e mundur, në mënyrë që të gjithë të gëzojmë në mënyrë të sigurt liritë tona”, tha kryeministri Boris Johnson.
Rruga Press