Kryeministri Kurti bën homazhe pranë shtatores së heroit Zahir Pajaziti

January 31, 2025 user 1

Kryeministri i vendit, Albin Kurti së bashku me kabinetin qeveritar ka bërë homazhe sot pranë shtatores së heroit, Zahir Pajaziti.

Zahir Pajaziti, Hakif Zejnullahu dhe Edmond Hoxha ranë 28 vjet më parë, pikërisht më 31 janar 1997 kur ndodhi njëra nga betejat e para madhore të pjesëtarëve të Ushtrisë Çlirimtare të Kosovës.

Lexo më shumë Goditja e SPAK ndaj grupit të dyshuar për trafik kokaine nxjerr në skenë emrin e Samir Manes, dyshime për negociata miliona euro për një projekt në Palasë

Tre strategët, Zahir Pajaziti, Hakif Zejnullahu dhe Edmond Hoxha ishin duke udhëtuar nga Prishtina në drejtim të Vushtrrisë, derisa grupi i tyre zbulohet nga sigurimi serb, të cilët kishin vënë pritë në fshatin Pestovë, ku të tre bien heroikisht në luftë me ta.

Aktivitetet ushtarake, Zahir Pajaziti i filloi gjatë viteve 90-ta. Në rrethanat e krijuara gjatë grevave të përgjithshme në Kosovë të mbajtura më 3 shator të vitit 1990, Zahiri dhe aktivistët e tjerë filluan të punojnë për ngritjen e një rrjeti sigurimi në Kosovë

Lexo më shumë Gratë për VETËVENDOSJE! shënojnë ditën e tyre në Ujman, Haxhiu vlerëson angazhimin e aktivisteve

Rruga Press