Ministri Maqedonci takon senatoren Ernst: Kosova ka miq të fuqishëm në Administratën në ardhje Trump
Ministri i Mbrojtjes, Ejup Maqedonci në SHBA është pritur në takim nga senatorja amerikane Joni Ernst, ku gjatë këtij takimi është konfirmuar vendosmëria e institucioneve për partneritet strategjik mes Kosovës dhe SHBA-së.
Ministri Maqedonci, tutje ka bërë të ditur se në këtë takim është theksuar po ashtu mbrojtja e sigurisë si garancë e ruajtjes së paqes dhe stabilitetit në rajonin e Ballkanit Perëndimor.
Më poshtë lexoni postimin e plotë:
Kosova ka miq të fuqishëm në Administratën në ardhje Trump.
Tradita e marrëdhënieve të mira të Kosovës me dy taboret kryesore politike në ShBA vazhdon edhe këtë herë. Isha i nderuar të takoj miken e Kosovës dhe të miken e familjes sime, Senatoren Joni Ernst.
Gjatë takimit miqësor konfirmova vendosmërinë e institucioneve tona për partneritet strategjik me ShBA-në, me theks në mbrojtje e siguri, si garancë e ruajtjes së paqes dhe stabilitetit në rajonin e Ballkanit Perëndimor!
Miqtë e mirë janë vlerë e Joni e ka dëshmuar gjithmonë këtë në raport me Kosovën dhe mua.”, ka bërë të ditur ministri Maqedonci nëpërmjet një postimi në facebook.