Publikohen pamjet ku ushtarët rusë shihen duke u dhënë instruksione koreano-veriorëve në vijën e frontit, por me sa duket ata nuk i kuptojnë fare
Ushtarët rusë janë filmuar duke i trajnuar trupat koreano-veriore dhe duke u dhënë instruksione mbi luftën.
Në videon e publikuar, një grup i vogël ushtarësh të Phenianit përgatiten për t’u nisur drejt vijës së frontit.
Atyre u mësohet se si të vendosin mina tokësore nga instruktorët ushtarakë të Moskës.
Por, stërvitja ndërpritet kur koreano-veriorët, të cilët kanë veshur uniforma ruse, duket se nuk e kuptojnë se çfarë duhet të bëjnë, shkruan the Telegraph.
Ndryshe, në një video të muajit tetor, një ushtar rus është filmuar duke u përpjekur të miqësohet me një koreano-verior, i cili në mënyrë të vrazhdë e largon atë.
Muajin e kaluar, një zyrtar i inteligjencës së Koresë së Jugut zbuloi se Rusia po u mësonte ushtarëve të Koresë së Veriut rreth 100 terma bazë ushtarakë, si “kthehu në pozicionin tënd”, “zjarr” dhe “nisu”.
🇷🇺🇰🇵 Russian soldiers have been filmed giving North Korean troops battlefield training and language lessons, with some of Kim Jong-un’s men picking up swear words
— The Telegraph (@Telegraph) November 13, 2024
Read more here https://t.co/F0ZL4OLVmV pic.twitter.com/orJvlKcg01
Në një telefonatë të përgjuar nga inteligjenca ukrainase në tetor, ushtarët rusë u shprehën se do të kishte mjaft përkthyes për trupat e huaja nën komandën e tyre.
Një oficer rus u dëgjua duke premtuar se një përkthyes do të caktohej për çdo grup prej 30 ushtarësh të Koresë së Veriut.
Ndërkohë, SHBA konfirmoi se trupat e Koresë së Veriut kishin filluar operacionet luftarake kundër forcave ukrainase.
Vedant Patel, një zëdhënës i Departamentit të Shtetit, tha: “Mbi 10,000 ushtarë të Koresë së Veriut janë dërguar në Rusinë lindore dhe shumica e tyre janë zhvendosur në rajonin e largët perëndimor të Kurskut, ku kanë filluar të angazhohen në operacione luftarake me forcat ruse”.
Rruga Press