Ministri Sveçla pret në takim ambasadoren e Hollandës, diskutojnë për sundimin e rendit dhe ligjit
Ministri i Punëve të Brendshme, Xhelal Sveçla ka pritur në takim njoftues ambasadoren e re të Holandës në Kosovë, Karin Boven.
Ministria e Punëve të Brendshme përmes një postimi në “Facebook” ka njoftuar se Sveçla e uroi Boven për detyrën e re duke e falënderuar edhe për mbështetjen e vazhdueshme që ka ofruar Holanda për Republikën e Kosovës.
Në njoftim thuhet se Sveçla e ka njoftuar Boven për prioritetet në sundimin e rendit dhe ligjit si dhe për rezultatet e punës së institucioneve tona në luftën ndaj çdo ilegaliteti që cenon sigurinë e vendit dhe qytetarëve tanë.
Më tej theksohet se duke vlerësuar lartë raportet ndërshtetërore, ministri Sveçla vlerësoi mbështetjen që ka ofruar Holanda për Ministrinë e Punëve të Brendshme në kuadër të projekteve të ndryshme, dhe në kuadër të kësaj edhe ambasadorja Boven rikonfirmoi vazhdimësinë e kësaj mbështetjeje.
Rruga Press