Lajme

Mbyllet konkursi për pranimin e ushtarëve të rinj, për 300 vende të lira kanë aplikuar 1658 persona

Ministria e Mbrojtjes njofton të gjithë qytetarët e Republikës së Kosovës se është mbyllur konkursi për pranimin e ushtarëve të rinj.

Ministria e Mbrojtjes ka njoftuar se nga 300 vende të hapura për pranimin e rekrutëve të rinj, kanë aplikuar 1658 persona.

“Brenda katër viteve janë hapur katër konkurse për pranimin e ushtarëve dhe katër të tjerë për pranimin e kadetëve, e në secilin prej këtyre konkurseve është shfaqur interesim i lartë i të rinjve për aplikim”, thuhet në njoftim.

Lexo më shumë  Kënga nacionaliste serbe në Forumin e Zgjerimit të BE-së, reagon deputetja Marjana Koçeku: I detyrohen popullit të Kosovës një kërkimfalje publike

Tutje, theksohet se numri total i të rekrutuarve në Forcën e Sigurisë së Kosovës përgjatë periudhës 2021-2024 ka arritur në 2271, duke dyfishuar kësisoj pothuajse numrin total të ushtarakëve të FSK-së.

“Ushtria e Kosovës po rritet në numër, po konsolidohet me kapacitete profesionale dhe sisteme më moderne të armatimit”, thuhet në njoftimin e bërë nga Ministria e Mbrojtjes së Kosovës. 

Lexo më shumë  Çështja e Belinda Ballukut në gjykatë, akuzat për tunelin e Llogarasë, unazën e Tiranës dhe Albcontrol

Rruga Press

YouTube player