Një tjetër variant shqetësues po përhapet, ‘Kappa’ i merr jetën 7 personave në Belgjikë

Shtatë banorë të një shtëpie pleqsh në Belgjikë kanë vdekur pasi u infektuan me variantin Kappa të koronavirusit të zbuluar për herë të parë në Kolumbi pavarësisht se ishin vaksinuar plotësisht, tha të Premten ekipi i virologjisë që kreu testet.

Sipas Reuters, ekipi i virologjisë tha se banorët ishin infektuar me B.1.621 të COVID-19 që filloi në Kolumbi dhe është zbuluar javët e fundit në Shtetet e Bashkuara, por rastet në Evropë kanë qenë të rralla.

Qendra Evropiane për Parandalimin dhe Kontrollin e Sëmundjeve ka regjistruar prejardhjen B1.621 si pjesë e variantit Kappa të koronavirusit, por jo si një variant në vetvete.

Shtatë personat që vdiqën në shtëpinë e pleqve në qytetin belg të Zaventem, pranë Brukselit, ishin të gjithë në të 80 -at apo 90 -at e tyre, dhe disa prej tyre ishin tashmë në një gjendje të keqe fizike, tha Marc Van Ranst, një virolog në Universitetin e Leuven i cili kreu teste mbi virusin e gjetur në shtëpinë e pleqve.

“Është shqetësuese,” tha Van Ranst, duke komentuar faktin se banorët vdiqën pavarësisht se ishin vaksinuar plotësisht kundër COVID-19.

Deri më tani, shkencëtarët nuk e dinë nëse prejardhja B.1.621 është më e transmetueshme se prejardhjet ose variantet e tjera të koronavirusit, tha ai. Në Belgjikë, B.1.621 aktualisht përbën më pak se 1% të rasteve të njohura të COVID-19, tha ai, krahasuar me 2% të rasteve në Shtetet e Bashkuara dhe më shumë se ai në Florida.

Rruga Press