Prezantohet rrjeti që mundëson luftimin e pastrimit të parave dhe financimin e terrorizmit

Rrjeti i Përbashkët i Inteligjencës Kundër Pastrimit të Parave të Kosovës (JMLINK) po konsiderohet si mundësi për rritjen e aftësisë së Kosovës për luftimin e pastrimit të parave dhe financimit të terrorizmit.

Ky Rrjet i cili u lansua sot është mundësuar nga Britania e Madhe dhe Njësia e Inteligjencës së Kosovës bashkë me Qeverinë e Kosovës.

Ministri i Financave, Punës dhe Transfereve, Hekuran Murati se lansimi i këtij rrjeti është hap i rëndësishëm në përmbushjen e prioriteteve të Qeverisë që lidhen me luftimin e pastrimit të parave, krimit të organizuar dhe financimit të terrorizmit.

Sipas tij JMLINK mundëson qasje proaktive në luftimin e dukurive të pastrimit të parave e financimit të terrorizmit.

“Nëse secili institucion e shikon veçmas është problem të arrihet në përfundimin që kemi të bëjmë me pastrim parave, prandaj duhet të kemi një grupim të tillë, një bashkëpunim i tillë në mes të institucioneve është tepër i nevojshëm në mënyrë që edhe aktivitetet e tilla që në dukje mund të jenë fasad legjitime të trajtohen dhe të shikohen nëse kemi të bëjmë me raste të pastrimit të parave. Përmes bashkëpunimit të këtyre agjencive do të mundësohet gjithashtu identifikimi edhe më i shpejt dhe efikas i kërcënimeve të menjëhershme. Tutje do të mundësohet edhe ofrimi i udhëzimeve për institucionet financiare si dhe bizneset lidhur me aplikimin e masave kundër pastrimit të parave, kjo në mënyrë që aktivitetet e kundërligjshme jo vetëm të luftohen, por edhe të parandalohen”, theksoi ai.

Ministri i Punëve të Brendshme, Xhelal Sveçla u shpreh se Rrjeti i Përbashkët i Inteligjencës Kundër Pastrimit të Parave të Kosovës është projekt që do të forcoj aftësitë e përbashkëta për të adresuar kërcënimet që vijnë nga pastrimi i parave dhe financimi i terrorizmit.

Teksa shprehur përkushtimin e ministrisë që drejton në luftimin e krimit të organizuar dhe terrorizmit, Sveçla tha se krijimi i këtij Rrjeti po e vendos Kosovën në pozicion të fuqishëm për parandalimin e këtyre aktiviteteve kriminale.

“Do të na mundësoj të rrisim aftësinë tonë për të ndjekur rrjedhën e parave të paligjshme dhe për të parandaluar aktivitetet kriminale e terroriste në burim. Pastrimi i parave dhe financimit i terrorizmit mbeten sfida të mëdha globale dhe kërkojnë përpjekje të përbashkëta dhe të koordinuara. Financimi i terrorizmit në veçanti mbetet sfidë reale për ne duke pas parasysh që para 1 viti vendi ynë u ballafaqua me sulmin më të madh terrorist në Banjskë të Zveçanit ku përmes të gjitha provave të siguruara konfirmohet investimi dhe financimi i vazhdueshëm i Serbisë për individë dhe grupacione të caktuara me qëllim të kryerjes së akteve kriminale dhe terroriste për të destabilizuese të Kosovë. Ky rast por edhe sulmet e vazhdueshme të këtyre grupacioneve ndaj institucioneve si dhe depot e përditshme që po zbulohen kanë vënë në pah pjesën e financimit të vazhdueshëm për këtë veprimtari gjë që kërkon angazhimin e të gjitha institucionet në ndjekjen hetimin dhe parandalimin e dukurive të ngjashme”, theksoi ai.

Ambasadori i Britanisë së Madhe në Kosovë, Jonathan Hargreaves se mënyra e shtrenjtë e jetesës në Kosovë është shenjë se ndoshta ka pastrim të parave.

Sipas tij krijimit i Rrjetit të Përbashkët të Inteligjencës Kundër Pastrimit të Parave është mesazh i pastër se nuk do të lejohen aktivitetet kriminale në Kosovë të cilat e dëmtojnë ekonominë.

“Shpesh jam mahnitur nga disa prej shenjave të pasurisë të dukshme në qytetet e Kosovës, vetura luksoze, prona të shtrenjta dhe stile të shtrenjta të jetesës dhe shpesh kam pyetur se si ka mundësi të jetë kjo dhe realiteti i dokumentuar ekonomik nuk përputhet aq mirë me një pamje dhe imazh të tillë dhe kjo është shenjë se ndoshta është duke ndodhur pastrimi i parave. Andaj, lansimi i JMLNK është shumë i rëndësishëm, është mesazh i pastër nga ju këtu se këto në Kosovë ju nuk do të lejoni që ekonomia juaj të dëmtohet përmes këtyre aktiviteteve kriminale. Kjo demonstron që institucionet tuaja janë të gatshme për të ndërmarrë veprime në këtë sfidë, ajo nënvizon rëndësinë e bashkëpunimit brenda Kosovës ashtu edhe me partnerët ndërkombëtar”,u shpreh ai.

Flutura Blakçori-Xërxa nga Njësia për Inteligjencë Financiare e Kosovës tha se Rrjeti i Përbashkët i Inteligjencës Kundër Pastrimit të Parave është kërkesë kyçe për luftimin e pastrimit të parave dhe financimit të terrorizmit.

“Shkëmbimi efektiv dhe me kohë të informacionit është një ndër kriteret themelore për funksionim të mirë të sistemit të pastrimit të parave dhe luftimit të financimit të terrorizmit si dhe është kërkesë kyçe e standardeve në këtë fushë…Dua të theksoj se rruga që kemi përpara është ende e gjatë dhe kërkon angazhim të vazhdueshëm me integritet dhe me përkushtim në punë do të kemi rezultate të qëndrueshme dhe do të vazhdojmë të jemi partner të besueshëm në këtë fushë“, ka thënë Blakçori-Xërxa.

Rruga Press