OBSH: Gati 30,000 raste të dyshuara të lisë së majmunëve në Afrikë

– Numri i rasteve të dyshuara të lisë së majmunëve të regjistruar në Afrikë që nga fillimi i vitit 2024 është rritur në 29,342, ndërsa në të njëjtën periudhë, 812 persona kanë vdekur nga kjo sëmundje. Kështu u bë e ditur nga Organizata Botërore e Shëndetësisë (OBSH). 

Shumica e rasteve janë identifikuar në Kongo në Afrikën Qendrore, ndërsa Burundi është goditur gjithashtu nga një shpërthim në rritje. Njoftimi i OBSH-së nuk përmend të dhëna krahasuese nga vitet e mëparshme.

Agjencia e shëndetit publik të Bashkimit Afrikan ka raportuar 14,957 raste dhe 739 vdekje nga shtatë shtete të prekura në vitin 2023, një rritje prej 78.5% në rastet e reja krahasuar me 2022. Gjithsej 2,082 raste të konfirmuara janë regjistruar në mbarë botën vetëm në gusht, numri më i lartë që nga nëntori 2022, thotë OBSH. Të shtunën, fondi pandemik i Bankës Botërore njoftoi se do të ndajë 128.89 milionë dollarë për dhjetë vende afrikane për të luftuar shpërthimin.

Rruga Press