Një klub tjetër i Ligës Premier i bashkohet garës për transferimin e Armando Brojës

Klubi i Ligës Premier, Southampton thuhet se mbetet i interesuar për sulmuesin e Chelseat, Armando Broja, i cili është i tepërt për kërkesat e ekipit në Stamford Bridge.

Broja duroi një huazim zhgënjyes te Fulhami në gjysmën e dytë të sezonit të kaluar, duke u paraqitur vetëm tetë herë dhe duke dështuar të shënonte për Cottagers.

Pavarësisht këtij sezoni dërrmues, ylli shqiptar ka tërhequr interes nga një sërë klubesh këtë verë, përfshirë Evertonin dhe Milanin.

Sidoqoftë, sipas Sky Sports, Southampton aktualisht është skuadra që shfaq interesin më të madh për të ri-nënshkruar me 22-vjeçarin, i cili kaloi sezonin 2021/22 në St Mary’s Stadium, pasi janë të etur për të blerë një tjetër sulmues për të konkurruar me Adam Armstrong dhe Ross Steëart.

Pas skadimit të kontratës së Che Adams, Southampton ka identifikuar Brojën si një opsion potencial me Chelsean që supozohet se është i gatshëm të sanksionojë një lëvizje për lojtarin e dalë nga akademia e tyre.

Duke dalë në skenë si i diplomuar në Cobham, Broja ka luftuar për t’u vendosur si një figurë e qëndrueshme në ekipin e parë të Bluve dhe është huazuar në tre raste të veçanta.

Lojtari i lindur në Slough shënoi njëmbëdhjetë gola në 34 paraqitje në periudhën e tij në Holandë për Vitesse në sezonin 2019/20, përpara se të impresiononte me Southampton sezonin e ardhshëm.

Gjatë periudhës së tij në bregun jugor, reprezentuesi shqiptar shënoi nëntë gola dhe u etiketua “i rrezikshëm” nga trajneri i atëhershëm Ralph Hasenhuttl, me ‘shenjtorët’ të etur për të siguruar shërbimet e tij përgjithmonë në atë kohë.

Në vend të kësaj, ai zgjodhi të luftonte për vendin e tij në Chelsea, përpara se një këputje e ligamentit të kryqëzuar në dhjetor të 2022 ta ndalonte ndjeshëm zhvillimin e tij, duke e përjashtuar atë nga fusha për dhjetë muaj.

Që nga ky dështim i rëndësishëm, Broja nuk ka arritur të rikuperohet mjaftueshëm dhe tani përballet me një largim nga klubi i tij i fëmijërisë.

Rruga Press