Michael Roth nuk e përmban gjuhën pas dështimit të KiE me Kosovën: M*t! Evropa do të humbasë ndikim, situata po përkeqësohet
Komiteti i Ministrave në Këshill të Evropës nuk e futi në agjendë të shqyrtimit dhe votimit çështjen e anëtarësimit të Kosovës në KiE. Kjo ka shkaktuar një valë të madhe pakënaqësie ndër politikanë të shumtë në Evropë, e sidomos në Gjermani, ku ky veprim po cilësohet i padrejtë, por edhe i rrezikshëm për stabilitetin e rajonit të Ballkanit Perëndimor.
Ndër shumë prononcime, bie në sy ai i Kryetarit të Komisionit për Punët e Jashtme në Bundestagun gjerman, Michael Roth, i cili nuk e fsheh aspak irritimin me qeverinë e vendit të tij, duke bërë kështu që ai të përdorë edhe një gjuhë jo të zakonshme për politikën e niveleve kaq të larta.
” M*t! Evropa do të humbasë gjithnjë e më shumë ndikim në Ballkanin Perëndimor. Situata po përkeqësohet.”, tha ai i shqetësuar për implikimet që mund të sjellë në përgjithësi ky veprim i fundit, në një kontekst të kërcënimit nga rritja e nacionalizmit, autoritarizmit, rritja e ndikimit të Kinës dhe Rusisë në rajon.
Prandaj, sipas Michael Roth, në këtë situatë kanë shumë rëndësi lidershipi dhe guximi.
“Këshilli i Evropës nuk do të jetë i plotë pa Kosovën”, përfundoi ai.
Shit! Europe is going to lose more and more leverage in the Western Balkans. The situation is getting worse. Nationalism, authoritarism, rising 🇨🇳 and 🇷🇺 influence in the region are a threat. Leadership and courage matter.
— Michael Roth – official 🇪🇺🇺🇦🇮🇱🇬🇪 (@MiRo_SPD) May 17, 2024
Council of Europe won’t be complete without Kosovo. 🇽🇰🇪🇺
Rruga Press