Bideni godet veturat elektrike kineze me rritje të tarifave prej 100%

May 14, 2024 user 1

Presidenti amerikan, Joe Biden, ka vendosur t’i rritë tarifat për veturat elektrike të prodhimit kinez, panelet diellore, çelikun dhe mallrat e tjera.

Nga Shtëpia e Bardhë ka thënë të martën se masat, të cilat përfshijnë një taksë kufitare 100% për veturat elektrike nga Kina, ishin një përgjigje ndaj politikave të padrejta dhe synonin të mbronin vendet e punës në SHBA, raporton BBC.

Lexo më shumë “Përgatituni për luftë”, shefi i forcave të armatosura britanike lëshon paralajmërim të fortë teksa kërcënimi rus rritet

Kina ka kritikuar tashmë planet, të cilat ishin sinjalizuar paraprakisht.

Analistët thonë se tarifat janë kryesisht simbolike dhe kanë për synim forcimin e votave në një vit të vështirë zgjedhor. Ato pasojnë disa muaj kritikash nga ish-presidenti Donald Trump, i cili kandidon për Shtëpinë e Bardhë kundër Bidenit, dhe i cili ka argumentuar se mbështetja e rivalit të tij për veturat elektrike do të “vrasë” industrinë amerikane të veturave.

Lexo më shumë Militantët serbë po luftojnë për Putinin dhe po përgatiten për një luftë të re ballkanike

Tarifat e shpallura të martën do të arrijnë një vlerë prej 18 miliardë dollarësh të importeve, sipas Shtëpisë së Bardhë.

Përveç rritjes nga 25% në 100% të tarifave të automjeteve elektrike, taksat për panelet diellore do të rriten nga 25% në 50%.

Ndërkaq, normat e tarifave për disa produkte çeliku dhe alumini do të trefishohen në 25%, nga 7.5% ose më pak.

Rruga Press