Von der Leyen njofton nisjen e një sërë kufizimesh tregtare kundër Kinës

Presidentja e Komisionit Evropian, Ursula von der Leyen, njoftoi fillimin e një sërë kufizimesh tregtare kundër Kinës, si pjesë e një përpjekjeje për të përmbushur premtimin se Bashkimi Evropian do të jetë një aktor politik më i rëndësishëm në skenën botërore, shkruan Bloomberg.

Përveç hetimit për subvencionet kineze për automjetet elektrike, Bashkimi Evropian po heton gjithashtu nëse Pekini ka ofruar mbështetje të paligjshme për fermat me erë në kontinent. BE-ja ka nisur gjithashtu një hetim për subvencionet për kompanitë diellore dhe hekurudhore dhe pritet të nisë së shpejti një hetim për prokurimin e pajisjeve mjekësore nga Kina.

Brukseli po kërcënon Kinën me masa kufizuese tregtare që mund të çojnë në tarifa më të larta, duke e shkëputur Kinën nga tregjet evropiane dhe potencialisht duke çuar në një luftë tregtare.

Disa zyrtarë evropianë besojnë se më në fund ka ardhur koha që BE-ja të bëjë diçka “për ta bërë tregtinë ndërkombëtare të funksionojë përsëri në parime të drejta”, shkruan Bloomberg.

“Të dish se je mashtruar, të mëson të jesh shumë më i kujdesshëm dhe të ndërmarrësh veprime më efektive”, tha Margrete Vestager, përgjegjëse për sigurimin e konkurrencës së tregut të lirë dhe konkurrencës në BE.

Dhe të tjerë, përfshirë ish-presidentin e Bankës Qendrore Evropiane, Mario Draghi, pohojnë se “abuzimet tregtare kineze janë shkaku i problemeve më të mëdha sociale dhe politike që kanë pllakosur Evropën dhe SHBA-në në 20 vitet e fundit”.

Rruga Press