Vrasja e gruas në Pejë, Haxhiu thërret në takim ministrin e Brendshëm dhe drejtuesit e tjerë të sigurisë

Ministrja e Drejtësisë, Albulena Haxhiu ka reaguar pas rastit tragjik që ndodhi në Pejë, ku bashkëshorti dyshohet se vrau gruan e tij.

Haxhiu në një reagim në Facebook, ka shkruar se kjo është shumë e rëndë dhe e pa tolerueshme.

Ministrja bëri të ditur se pas këtij rasti, ka ftuar sot në takim ministrin e Punëve të Brendshme, kryesuesit e këshillave, u.d Kryeprokurorin dhe Drejtorin e Policisë së Kosovës dhe po ashtu në një takim tjetër edhe mbledhjen e grupit ndërministror.

“Nuk ka rrugë tjetër pos si institucione të Republikës së Kosovës të luftojmë pa kompromis këto fenomene.  Pavarësisht përkushtimit, masave të ndërmarra, fushatave të iniciuara me qëllim pikërisht barazinë gjinore, vrasjet ndaj grave po vazhdojnë”, ka deklaruar ministrja.

Rruga Press