Japonia shtrin embargon ndaj Rusisë, ndalon eksportin e qindra artikujve

Tokioja po zgjeron listën e artikujve të ndaluar që të eksportohen në Rusi, duke përfshirë 164 artikuj shtesë, kryesisht për përdorim industrial, si bateritë litium-jon, shkarkimet e makinave ose vaji i motorit të makinave, njoftoi sot ministria e Tregtisë e Japonisë.

Këto shtesa zgjerojnë më tej listën e produkteve, eksporti i të cilave në Rusi është i ndaluar pas sanksioneve ndaj saj për shkak të luftës në Ukrainë. Gjithashtu përfshihen artikuj të tillë si termostate, makineri për përpunimin e drurit, produkte nitroceluloze etj. Ndalimi do të hyjë në fuqi të mërkurën, më 17 prill, tha ministria.

Ndërkohë, ndalimi i Rusisë për importet e diamanteve joindustriale, i cili u njoftua pas një takimi dixhital të liderëve të G7 me presidentin ukrainas Volodymyr Zelensky në dhjetor, do të hyjë në fuqi më 10 maj, shtoi më tej Ministria Japoneze e Tregtisë.

Rruga Press