UNICEF vë alarmin për ‘dëshpërimin’ dhe vuajtjen mendore të fëmijëve të Gazës

March 27, 2024 User2

Aq e thellë është vuajtja mendore e fëmijëve të Gazës, sa disa shpresojnë të vdesin shpejt për t’i shpëtuar “makthit”, tha të martën një zëdhënës i agjencisë së OKB-së për mirëqenien e fëmijëve, sipas AFP.

“E pathëna thuhet rregullisht në Gaza tani,” tha zëdhënësi i UNICEF, James Elder, i cili ndodhet në këtë territor.

Lexo më shumë Shefi i Forcave Ajrore të SHBA: Lufta me Kinën dhe Rusinë mund të ndodhë në çdo moment

Pasi takoi të rinjtë të hënën, ai i tha AFP se disa adoleshentë thanë se ishin “aq të dëshpëruar që ky makth nuk po përfundonte saqë shpresonin të vriteshin”.

Të hënën, Këshilli i Sigurimit i OKB-së bëri thirrje për një armëpushim të menjëhershëm në Gaza për herë të parë, pas disa përpjekjeve të dështuara në muajt e fundit.

Izraeli më pas anuloi një vizitë të nivelit të lartë në Uashington pasi Shtetet e Bashkuara abstenuan nga votimi në vend që të përdornin të drejtën e vetos.

Lexo më shumë Nuk munguan as goditjet – detaje dhe pamje rreth përplasjes fizike mes deputetëve në Parlamentin e Serbisë

Ndërsa negociatat për armëpushimin vazhdojnë, njerëzit në Gaza tashmë po e përjetojnë urinë dhe komiteti i OKB-së thotë se uria në veri të Rripit tani është “e pashmangshme”.

Rruga Press