KryesoreLajme

“Ftojeni Kosovën që të bëhet anëtare e Këshillit të Evropës”, Knaus publikon dy pika të opinionit të Dora Bakoyannis

user 1

Gerald Knaus, nga Iniciativa Evropiane për Stabilitet, i ka bërë të ditura dy pika të opinionit të Dora Bakoyannis, raportuese në Komisionin e Çështjeve Politike të Asamblesë Parlamentare të Këshillit të Evropës (APKE) për aplikimin e Kosovës për anëtarësim. 

Knaus në një postim në X shkruan se opinioni i ish ministres së Punëve të Jashtme të Greqisë, aktualisht raportuese për Komisionin e Çështjeve Politike të Asamblesë Parlamentare të Këshillit të Evropës thotë që Asambleja i rekomandon Komitetit të Ministrave që ta ftojnë Kosovën që të bëhet anëtare e Këshillit të Evropës.

Lexo më shumë  Aksion i madh i policisë: Arrestohen 20 persona, sekuestrohen 120 mijë euro

“…17. Prandaj, Kuvendi i rekomandon Komitetit të Ministrave

17.1. ftoni Kosovën që të bëhet anëtare e Këshillit të Evropës me emrin “Kosova”, thuhet në dy pika të opinionit të Bakoyannis.

Knaus në një video të publikuar në X më tej thekson se ky është një lajm i mirë për të gjithë.

Ndryshe, java që vjen është e rëndësishme sa i përket anëtarësimit të Kosovës në Këshill të Evropës.

Takimi që do të mbahet më 27 mars 2024 i Komisionit për Politikë dhe Demokraci i Asamblesë Parlamentare të Këshillit të Evropës ka në rend dite çështjen të Kosovës në Këshill të Evropës.

Këtë e kanë konfirmuar për Telegrafin nga Këshilli i Evropës.

Lexo më shumë  Muja shpalos fakte: Në kohën kur Hykmete Bajrami ka qenë Ministre e Tregtisë nga rezervat shtetërore  janë avulluar mbi 2500 tonë grurë në vlerë 529 mijë euro

Pas 27 marsit, ku pritet të kalojë raporti i Dora Bakoyannis çështja e anëtarësimit të Kosovës do të kalojë në Asamblenë Parlamentare të Këshillit të Evropës, sesionet e të cilës do të mbahen nga mesi i prillit.

Rruga Press

YouTube player