Këshilli i BE-së miraton ndihmën prej 5 miliardë eurosh për forcat ukrainase

Këshilli Evropian të hënën ka miratuar një marrëveshje, të bërë javën e kaluar nga vendet anëtare, për të rritur mbështetjen e Bashkimit Evropian për forcat e armatosura të Ukrainës në 5 miliardë euro përmes një fondi ndihme, ka thënë Këshilli në një deklaratë.

“Me këtë fond, ne do të vazhdojmë të mbështesim Ukrainën që ta mbrojë veten nga lufta e agresionit e Rusisë me çfarëdo që duhet dhe për sa gjatë që të duhet”, ka thënë Shefi i Politikës së Jashtme të BE-së Joseph Borrell, raporton agjencia “Reuters”.

BE-ja do t’i përdorë paratë për të financuar blerjen e pajisjeve dhe trajnimeve ushtarake vdekjeprurëse dhe jo-vdekjeprurëse, është thënë në deklaratë.

Me 5 miliardë eurot e aprovuara të hënën, kulmi i fondit ka arritur 17 miliardë euro për periudhën e viteve 2021-2027.

Javën e kaluar, ambasadorët e 27 vendeve anëtare të BE-së kishin pranuar për të rirregulluar fondin dhe për të shtuar 5 miliardë euro për të mbështetur ushtrinë e Ukrainës.

Rruga Press