Konfuzioni që po na sjell “Escobari”

Shkruan Hysamedin Feraj

Konfuzioni që po na sjell “Escobari”:

1. Luftoni informalitetin ekonomik, na kërkojnë SHBA-të!

Çarkullimi i dinarit jashtë rregullave formale (ligjore), mendojmë ne, është aspekt i veçantë i ekonomisë informale në Kosovë. Por kur BKQ vendos të luftojë këtë aspekt të ekonomisë informale, kërkesë e përgjitshme e SHBA-ve, Escobari, po në emër të SHBA-ve na kërkon të mos e luftojmë informalitetin e ekonomisë kur bëhet në dinarë!

Si t’ia bëjmë: t’i bindemi kërkesës së SHBA-ve që ta luftojmë informalitetin ekonomik, apo kërkesë së SHBA-ve që mos ta luftojmë informalitetin ekonomik!

2. Përgjigje e mundshme:

Informalitetin luftojeni në Kosovë, por jo në pjesën veriore të saj.

Kur SHBA-të na kërkojnë diçka si Kosovë, ne mendojmë se kërkesa vlen për gjithë Kosovën si një shtet, siç na kanë njohur SHBA-te. Por kur përjashtojnë zbatimin e kërkesës së tyre në Kosovën veriore, a na duhet të kuptojmë se SHBA-të e përjashtojnë atë pjesë nga shteti i Kosovës!

Si t’ia bëjmë: të besojmë se SHBA-të e njohin Kosovën si një shtet, dhe se nuk e njohin Kosovën si një shtet!

Prandaj nuk arrijmë të kuptojmë nëse kur na kërkojne sundimin e ligjit, luftën kundër informalitetit dhe korrupsionit, e kanë fjalën për një apo dy kushtetuta, ligje, rregullore, praktika, shkurt: një shtet në dy, apo dy shtete në një, apo ndonjë numër që njerëzimi nuk e di.

3. Jemi konfuz sepse, si gjithë njerëzimi deri sot, kemi mësuar numrat romak dhe ata arab (shifrat e tyre), por askush këta amerikan, ku njëshit i thokan dy, dyshit i thokan një, por njëshit i thokan gjithashtu një!

Rruga Press